يا عمّي إرتح وروّح نـَم
خل الوعد ينقضي ليلــه
وش لك تجمّع عليك الهم
سهران مالك علي حيلة
عندك مرادي خفيف الدم
يا طِــيب قلبه ويا حليله !
عند الدريشة لقانا تـــــم
من دون سترة وتضليلة
فستان وردي طويل الكم
من حِشمته فارق بـ جيله
أحفظ كلامه وأصمّه صم
يِحْيِي الفيافي عذب سيله
قالت بـ حبي صِدق مهتم
قلت إللي مثلك أغنّي له !
وقلت إسمعيني وقالت : سم
قلت : المروّض عشق خيله !
وما شفت مثلك ولــن ولــم
وما اقدر أساوي معك كيله
صــدّت خـــجل وانا أتكلم
نصف إلتفاته مع مــيله
خدٍ يقول لشواطي الـيـــم
ما يِرعب الموج تهـويله
و عينٍ طرفها ذحاح السم
من خزّه الطّرف يا ويله !
و صدرٍ على الفاتنة مِلْـتـَم
ينعش من المــزّ تعسيله
و خصرٍ يبعثر شتات اللّم
من يِـِـمنته لين تشــميله
وعنقٍ كما البايع المشــتم
خايف من البحث لا يجيله
الكــــيف معــها يضــد الكم
والشئ حلاتــه بـ تقليلـــه
فنجالها مــن زلال الفــم
ما كل من جاه يرهي له
من قال فيها بقول : إنطم!!
جعلك فدا الروج والشّـيله !
موضوع: & أيـــام أول & 
الأربعاء مارس 12, 2008 12:49 pm
