أبســـط حقــوقي !

القاف لا من حَكَرْته جا يغنيني
و السوق ما بين نقّاده ومدّاحه

محدٍ كسرني ولحدٍ كتّف يديني
هذا وأنا في زمانٍ صاح صيّاحه

المعركة والبيارق وينها وويني
الله يبيحك يا وقتٍ شدّ مرواحه

و اليوم بعد إكتتاب العمر وسنيني
خساير العمر تغنيني عن أرباحه

ما هزّني سهم عين الزين والشيني
وما همّني لو كِثر عندي تسدّاحه

تطيش منّي اليسار وتجرح يميني
و القلب عانى سنين يضمدّ جراحه

من واقعي لو أضيف الحلم يلغيني
وفي حلمي الواقعي ما تم لي إنجاحه

حتى دمي لو تكلم في شراييني
بيلفظ الحظ من نزعة تبجّاحه

ما أقول أنا مالقيت إللي يسليني
عايش وأشوف الوجيه إشلون مزّاحه

يعنيني مثلك وغيرك لا ما يعنيني
هماجك أطعم من الدواج وقراحه

ساعة لمحتك وصابت نظرتك عيني
قلت الحكم أنقلب يا دعوة إصلاحه

جيتك بلوتوث من زود الوله فيني
سلمتك القلب صندوقه ومفتاحه

يـا مالـك الحسـن تكفـى لا تخلينـي
خذني وبأعماق حضنك عطني الراحـة

يرضيني اسمع صدى همسك .. ويكفيني
أذكر خيالـك مشـى بمجمـع الواحـه

أبيك لا ضعـت منـي تجيـن تلقينـي
وأبي أغامر و أطب السـور وأجتاحـه

وأبيـك جنـبـي تناديـنـي وتلبيـنـي
أبسط حقوقي يا حوّاء القلب .. تفاحه !

نـذرٍ علـيْ مـا قهرنـي إلا فلبينـي
ساعة طلعتي من المطعم على الساحـة

خمّك وأنا عَبْرتي تسبـق دَمْـع عينـي
سواقك إللـي عليـه الشوفـة إمباحـه !!!!

مشكور اخي ننتظر جديدك